F.A.Q.

1. Kiko ta un patènt?
Un patènt ta un derechi eksklusivo ku gobièrnu ta duna un persona òf kompania – pa un sierto periodo – pa komersialisá e invento den e pais kaminda a solisitá pa e protekshon di patènt.

2. Ki derechi e doño di patènt tin?
E doño di patènt por prohibí otro hende di hasi, por ehèmpel, kualke transakshon manera bende, produsí, eksportá òf importá su invento patentá den òf ku ta drenta e pais kaminda a duna e patènt. E doño di patènt mester duna su aprobashon pa tur aktividat relashoná ku su produkto òf servisio patentá.

3. Kiko ta e eksigensianan den kaso di un solisitut pa patènt?
Por hasi un solisitut dunando e siguiente datonan:
- Nòmber i adrès di e solisitante
- Nòmber i residensia di e persona ku a hasi e invenshon.
- Un petishon pa haña un patènt
- Un indikashon kòrtiku di ophetivo di e invenshon.
- Un deskripshon di e invento, serando ku un òf mas konklushon
- Un deskripshon di e ophetivo pa kua ta rekerí  un derecho eksklusivo
- Un ekstrakto di e deskripshon
- Si ta nesesario, algun pintura pa ilustrá e invento

4. Mi mester mantené mi patènt durante hinter e periodo di valides di e derechi?
Nò, e doño di patènt no ta obligá di mantené e derechi riba patènt durante hinter e periodo di valides. Un doño di patènt por evaluá kada aña si ta deseabel pa kontinuá ku e derechi. Si keda sin paga e gastu di mantenshon di e patènt, e ta keda anulá outomátikamente i e doño di patènt ku ta haña ku no ta faborabel mas pa sigui ku e derechi, por tuma tal desishon.

5. Kua ta e mihó momentu pa disidí di purba haña protekshon di patènt na otro pais?
E mihó tempu pa disidí si ta buska protekshon di patènt na otro pais ta serka di final di e aña di prioridat. Esaki ta pasobra na e momentu ei ta duna e resultadonan di e investigashon di novedat si a pidi e investigashon na mes momentu ku a entregá e petishon pa protekshon di patènt. E resultadonan di e investigashon di novedat por kontené informashon masha importante ku por ta di gran importansia pa disidí si ta sigui ku e proseso pa haña protekshon. Ademas, yenamentu di petishon na otro pais serka final di aña por suspendé gastunan pa periodo di un aña.

6. Ta kua ta e paisnan kaminda mester pidi protekshon di patènt?
Protekshon di patènt ta un invershon ku mester produsí plaka. No tin invento ku lo haña protekshon di patènt na tur pais na mundu, pasobra esei lo ta muchu kostoso. Un solisitante pa patènt mester investigá kua ta e paisnan kaminda ta bentahoso pa pidi protekshon di patènt. E kriterio pa pidi protekshon di patènt na un pais spesífiko ta e ganashi èkstra ku lo bo hasi ku e protekshon na e pais ei.