F.A.Q.

1. Kiko ta un marka?
Un marka ta un símbolo ku ta usa pa distinguí produkto òf servisio di un empresa for di esnan di un otro. 

2. Kiko por ta un marka?
Lei ta stipulá ku komo marka ta konsiderá nòmber, dibuho, impreshon, stèmpel, lèter, forma di merkansia òf di empake i tur otro símbolo ku ta sirbi pa distinguí merkansia òf servisio di un empresa.

3. Pa kuantu tempu un inskripshon ta válido?
Inskripshon di un registrashon tin un periodo di valides di 10 aña, kontá for di e fecha di registrashon.  No ta pèrmití pa kambia e símbolo di kua e marka ta konsistí, ni durante inskripshon, ni na okashon di su renobashon.

4. Inskripshon di un marka ta keda renobá outomátikamente?
Inskripshon di un marka no ta kedá renobá outomátikamente.  Ta renobá e inskripshon riba petishon, pa periodo adishonal di 10 aña. Mester hasi petishon pa renobashon dentro di e seis lunanan ku ta presedé vensementu di e periodo di valides di e inskripshon.

5. Por registrá un marka internashonalmente?
Un marka inskribí na Ofisina pa Propiedat Intelektual di Kòrsou ta válido na Kòrsou. Protekshon di un marka na nivel internashonal tambe ta posibel di akuerdo ku stipulashonnan di Protokolo di Madrid. E inskripshon tin un periodo di valides di 10 aña, kontá for di e fecha di registrashon.