Bureau for Intellectual Property

i-Envelope

Un idea briante?
Depon’é den e ènvelòp korekto: i-Envelope

Bo a traha un programa di kòmpiuter. Fantástiko! Pero… promé ku bo pensa, otro hende por baha bai ku bo kódigo di programashon. Naturalmente lo bo mester por proba ku en bèrdat ta abo a pens'é promé. Imposibel? En realidat nò.
For di awe en adelante bo por fiha e fecha di kreashon na un manera simpel, lihé i no-kostoso ku i-Envelope di Ofisina pa Propiedat Intelektual.

Respaldo di un instansha gubernamental
Ofisina pa Propiedat Intelektual ta é outoridat ofisial na Kòrsou pa protekshon legal di derechinan di Propiedat Intelektual. Ke men, tur persona ku hasi uso di i-Envelope por ta trankil i por referí na un organisashon ofisial ku ta garantisá outentisidat di e kontenido i di e fecha ku a risibié.

Laga nos wak e na un manera simpel si.
Maske i-Envelope ta ofresé un garantia te na sierto grado, tòg bo no por atribuí niun derechi n'e ku e no tin. Di ningun manera i-Envelope ta duna bo un derechi di propiedat intelektual outónomo. E no ta protehá niun idea ku no por keda protehá komo tal.

Kier men, tene kuenta ku:

• i-Envelope no ta duna bo protekshon manera un patènt ta hasi. E protekshon formal ei ta bai solamente pa un persona ku sigui e proseduranan i formalidatnan di registro legal di patènt.
• i-Envelope no ta duna bo e derechi pa reklamá bentahanan ku por surgi for di Lei di Outor. E echo ku bo a warda den i-Envelope algun portrèt di un opheto di ménos importansia, no ta duna bo derechi pa reklamá derechi di outor riba e opheto ei. Pasobra ta e originalidat ta loke ta konsiderá e kriterio pa protekshon pa derechi di outor. 

Pero kiko ta loke i-Envelope ta ofresé?
i-Envelope ta ofresé e posibilidat pa fiha e fecha di kreashon i tambe bo kompetensia komo outor di un kreashon. Esaki ta importante si bo ke reklamá den korte ku ta bo kreashon tabat'ei promé.

E ta funshoná di un manera rápido i simpel.
i-Envelope ta un ènvelòp speshal ku ta konsistí di dos parti. E kliente ta tuma dos dokumento idéntiko i ta pone un den kada parti di e ènvelòp. Maksimal 4 A4 por bai den un i-Envelope i e ènvelòp no mag di kontené ophetonan duru ku por hasi e perforashon imposibel.  E ta debolbé ámbos parti di e ènvelòp na Ofisina pa Propiedat Intelektual. Momento ku risibí e partinan di e ènvelòp, Ofisina pa Propiedat Intelektual ta perforá nan ku fecha i ora koriente i un number di identifikashon, despues ta debolbé un parti na e kliente. E di dos parti ta keda wardá den archivonan di Ofisina pa Propiedat Intelektual durante un periodo di sinku òf dies aña. Por prolongá e periodo áki sin límite, kada bes ku sinku aña òf dies aña. Ta rekomendabel laga e parti ku haña bèk, será pa por tene su kontenido sekreto.

Bo por permití bo mes un i-Envelope
Bo ta paga solamente 200 florin antiano pa un periodo di sinku aña òf 250 florin antiano pa un periodo di dies aña. Un suma relativamente chikitu, si bo realisá ku i-Envelope ta brindá bo un arma efektivo pa protehá bo kreashon for di momentu di su nasementu. Un fase mas lat, unabes ku bo ideanan a kristalisá i desaroyá den un produkto òf invento, bo por registrá bo kreashon, di e manera ei atkiriendo propiedat industrial. Klik aki pa un formulario di aplikashon pa un i-Envelope.

Pago por tuma lugá kèsh, ku un chèk òf pa medio di un depósito na MCB riba nos number di kuenta 130211603 na nòmber di Ofisina pa Propiedat Intelektual.

Por fabor klik aki pa bo tuma kontakto ku nos pa mas informashon.