Bureau for Intellectual Property

Protekshon di Diseño Industrial

Diseño industrial ta un otro área kreativo pa kua bo por haña protekshon. E derechinan ku ta regulá diseño industrial tambe ta parti di derechi di propiedat intelektual.

Papiando di derechi di diseño industrial mester pensa riba protekshon di diseño visual di un opheto. E diseño industrial por ta bidimensional òf tridimensional. Un ehèmpel di un opheto bidimensional ta komposishon di un patronchi òf kreashon di un forma. Un ehèmpel di un opheto tridimensional ta un stul òf un vas.

Legislashon nashonal ku ta regulá diseño industrial ta den proseso pa keda finalisá. Ofisina pa Propiedat Intelektual di Antia Hulandes lo duna servisio pa registrashon di diseño industrial asina e legislashon nobo drenta na vigor.

Na nivel internashonal tin vários tratado ku ta regla protekshon di diseño industrial. Kòrsou ta afiliá na e Konvenio di Den Haag. Tokante Registrashon Internashonal di Diseño Industrial, Lei di Londres di 1934 (Gaseta di Tratado 1948, No. I 539, mira tambe Gaseta di Tratado 1974, No. 64)

Kontrali na marka komersial ku por renobá sin límite, derechi riba diseño industrial ta válido pa un temporada limitá, debí na e echo ku no por renobá nan sin límite.