Marka

Klasifikashon di Nice (9° Edishon)

KLASE 1
Produktonan kímiko pa metanan industrial, sientífiko i fotográfiko, i tambe pa metanan di agrikultura, hortikultura i eksplotashon forestal; resina sintétiko komo materia prima, plèstik komo materia prima; fertilisante; medionan pa paga kandela; preparado pa templa i pa solder metal; produkto kímiko pa konservá produkto alimentisio; supstansia pa kurti kueru; supstansia pa plak pa metanan industrial.

KLASE 2
Fèrf, vèrnis, lak; supstansia pa kombatí frusamentu i supstansia pa konservá palu; supstansia pa duna koló; beits; resina natural komo materia prima; metal den forma di plachi i puiru pa pintor, dekoradó, impresor i artista.

KLASE 3
Supstansia pa blek i otro produkto pa laba paña; supstansia pa limpia, poler, kita vèt i skeiru; habon; perfume, zeta etéreo, produkto kosmétiko, loshon pa kabei; produkto pa limpiesa di djente.

KLASE 4
Zeta i gris industrial; lubrikante; produkto pa apsorbé, sprengu i mara stòf; kombustibel (inkluso gasolin pa motor) i supstansia pa iluminashon; bela; mecha di lampi.

KLASE 5
Produkto farmaséutiko i pa medisina veterinario; produkto higiéniko pa uso médiko; supstansia dietétiko pa uso médiko, supstansia nutritivo pa beibi; pleister, verbant; medio pa yena djente i traha impreshon di djente pa dentista; desinfektante; produkto pa kaba ku animal indeseá; produkto pa kaba ku beskein i yerba shimaron.

KLASE 6
Metal no presioso i nan aleashonnan; material pa konstrukshon di metal; konstrukshon di metal trasladabel; material di metal pa ferokaril; kabel i waya no eléktriko; asesorio di slòt di metal i artíkulo chikí di heru; tubu di metal; kaha fuerte; artíkulo di metal ku no ta kai bou di otro klase; mineral.

KLASE 7
Mashin i hèrmèn mekániko; motor (ku eksepshon di motor pa vehíkulo); klòch i mekanismo di transmishon (eksepto pa vehíkulo); makinaria pa agrikultura; mashin inkubador.

KLASE 8
Hèrmèn i instrumento di man, pa operá ku man; artíkulo pa traha kuchú, fòrki i kuchara; arma blanku; aparato di feita.

KLASE 9
Aparato i instrumento sientífiko, geodésiko, fotográfiko, sinematográfiko, óptiko, i pa pisa, midi, duna siñal, kontrolá (inspekshoná), duna asistensia (salba bida), i aparato i instrumento edukashonal; aparato i instrumento pa kondusí, distribuí, transformá, almasená, regulá i manehá koriente eléktriko; aparato pa graba, transmití i reprodusí sonido òf imágen; portadó di dato magnétiko, portadó di sonido den forma di disko; aparato outomátiko di benta i mekanismo pa aparato pa pago adelantá, kaha pa paga, kalkuladó, aparato pa prosesá dato i kòmpiuter; aparato pa paga kandela.

KLASE 10
Aparato i instrumento kirúrgiko, médiko, dentista i veterinario; man ku pia, wowo i djente artifisial, artíkulo ortopédiko; material pa pega kos.

KLASE 11
Aparato pa iluminashon, kalefakshon, generá stom, herebé, fria, seka, ventilashon, pa suministro di awa i pa instalashon sanitario.

KLASE 12
Medio di transporte; medio di transporte terestre, aéreo òf riba awa.

KLASE 13
Arma di kandela; munishon i proyektil; eksplosivo; vürwèrk.

KLASE 14
Metal presioso i nan aleashonnan i produkto ku ta traha for di nan òf ta kubrí ku nan, te asina leu ku nan no ta kai bou di otro klase; hoya, bisuteria, piedra presioso; oloshi i instrumento pa midi tempu.

KLASE 15
Instrumento musikal.

KLASE 16
Papel, karton i produkto trahá for di nan, te asina leu ku nan no ta kai bou di otro klase; material imprimí; material pa enkuadernashon di buki; portrèt; material pa skirbi; material pa plak pa uso den ofisina òf na kas; material pa artista; pinsel; taipraiter i artíkulo di ofisina (eksepto mobilario); medio i material di enseñansa (ku eksepshon di aparato); material di plèstik pa empake, te asina leu ku nan no ta kai bou di otro klase; drùklèter; kliché.

KLASE 17
Rùber, gutapercha, goma, asbèst, mika i produkto trahá for di nan, te asina leu ku nan no ta kai bou di otro klase; produkto di plèstik mitar prosesá; material pa sera, paketá i isolá; tubu no metal, ku por dobla.

KLASE 18
Kueru i kueru artifisial i produkto trahá for di nan, te asina leu ku nan no ta kai bou di otro klase; kueru di animal; valis pa biaha i maleta; paragua, parasòl i baston pa kana; zwip i material pa trahadó di sia.

KLASE 19
Material pa konstrukshon, no di metal; tubu ku no ta dobla, no di metal, pa konstrukshon; asfalt, breu i bitumen; konstrukshon trasladabel, no di metal; monumento, no di metal.

KLASE 20
Mobilario, spil, leshi; di palu, kòrki, rit, bis, bara, kachu, wesu, marfil, balein, turtuka, piedra ámbar, mama di perla, piedra di pipa, supstituto pa tur e materialnan aki òf produkto trahá di plèstik, te asina leu ku nan no ta kai bou di otro klase.

KLASE 21
Utensio i ko’i kibra pa uso na kas òf den kushina (no di metal presioso òf dorá òf platiá); peña i spòns; kuashi (ku eksepshon di pinsel); material pa traha kuashi; material di limpiesa; lana di stal; glas brutu òf mitar prosesá (eksepto pa trabou di konstrukshon); glas, porselana i serámika, te asina leu ku nan no ta kai bou di otro klase.

KLASE 22
Kabuya, hilu pa mara, reda, tènt, tapol, bela, saku (te asina leu ku nan no ta kai bou di otro klase); material pa yena (eksepto di rùber òf plèstik); material di tekstil krudo fibroso.

KLASE 23
Hilu pa uso ku tekstil.

KLASE 24
Tehido i produkto di tekstil, te asina leu ku nan no ta kai bou di otro klase; dekel i paña di mesa.

KLASE 25
Paña di bisti, kalsado, artíkulo pa tapa kabes.

KLASE 26
Kanchi i produkto bordá, banchi i feter; boton, hak i wowo, feneta i angua; flor artifisial.

KLASE 27
Tapeit, mat pa flur, mat, linólio i otro tipo di material pa pone riba flur; papel pa tapa muraya, no di material di tekstil.

KLASE 28
Wega, kos di hunga; artíkulo di gimnasia i deporte, te asina leu ku nan no ta kai bou di otro klase; adorno pa palu di pasku.

KLASE 29
Karni, piská, karni di pluma i di animal di mondi; ekstrakto di karni; fruta i berdura konservá, seká i kushiná; gelatina, djèm, kompote; webu, lechi i produkto di lechi; zeta i grasa ku por kome.

KLASE 30
Kòfi, te, kòkou, suku, aros, tapioka, sago, supstituto di kòfi; hariña i produkto di trigo, pan, produkto di pastelero i ko’i suku, eiskrim; miel, melasa; is, produkto pa pone kos di kome reis; salu, mòster; binager, sous di speserei; speserei; eis.

KLASE 31
Produkto di agrikultura, hortikultura i eksplotashon forestal i simia te asina leu ku nan no ta kai bou di otro klase; bestia bibu; fruta i bèrdura fresku; simia pa sembra, planchi i flor bibu; produkto nutritivo pa animal, malta.

KLASE 32
Serbes; awa mineral i gaseoso i otro bibida no alkohóliko; bibida di fruta i djus di fruta; stropi i otro preparado pa traha bibida.

KLASE 33
Bibida alkohóliko (ku eksepshon di serbes).

KLASE 34
Tabaku; artíkulo pa humadó; lusafè.  

Servisio

KLASE 35
Propaganda; maneho di asuntunan komersial; atministrashon di negoshi; servisio atministrativo.

KLASE 36
Seguro; asuntunan finansiero;                                                                                                                           asuntunan monetario; agensia di bien rais.

KLASE 37
Konstrukshon; reparashon; trabou di instalashon.

KLASE 38
Telekomunikashon.

KLASE 39
Transporte; paketamentu i almasenahe di merkansia; organisashon di biahe.

KLASE 40
Tratamentu di material.

KLASE 41
Edukashon; siñansa; rekreashon; aktividat deportivo i kultural.

KLASE 42
Servisio sientífiko i teknológiko, i tambe servisio di investigashon i diseño korespondiente; servisio riba tereno di análisis industrial i investigashon industrial; diseño i desaroyo di kòmpiuter i di programa di kòmpiuter.

KLASE 43
Provishon di kos di kome i bebe; alohamentu temporal.

KLASE 44
Servisio médiko; servisio veterinario; servisio riba tereno di higiena i kuido di beyesa pa hende i bestia; servisio riba tereno di agrikultura, hortikultura i eksplotashon forestal.

KLASE 45
Servisio hurídiko; servisio di seguridat pa protekshon di propiedat i hende; servisio personal i sosial ku terser parti ta duna pa kubri nesesidatnan individual.